Бүген, Рабигыль-ахыр аеның 27 нче көнендә (11 ноябрь), Татарстан мөселманнары башлыгы, Ислам фәннәре докторы Камил хәзрәт Сәмигуллин «Россия эчендә Көнчыгыш: (пост)ориентализм турында уйланулар» дигән фәнни конференциядә катнашты.
Конференциядә катнашучылар «Көнчыгыш» төшенчәсен, аның Россия мәдәни ландшафтындагы һәм күзаллаудагы урынын һәм ролен, аның мәгънәләрен, риторик бизәлешләрен, образларын, институтларын һәм агентларын аңлау омтылышын ясады. Чарага мәдәниятара диалог темасы белән эшләүче Көнчыгышны өйрәнүче галимнәр, антропологлар һәм сәнгать белгечләре чакырылган иде.
Конференциянең бурычларының берсе Россия һәм Көнчыгыш мөнәсәбәтләрен билгеләү булды.
