Бүген, 8 сентябрьдә, Татарстан Мөфтие Камил хәзрәт Сәмигуллин ТР Дәүләт Советына депутатлар сайлауда катнашты. Казанның 80 нче мәктәбендә урнашкан 46 нчы сайлау участогында Камил хәзрәт хәләл җефете белән бергә, гражданлык бурычын үтәп, тавыш бирде.
- Без бүген депутатларны чит республика өчен түгел, ә үз республикабыз өчен сайлыйбыз, - дип билгеләп үтте Мөфти, тавыш бирүдә катнашуның мөһимлеген. - Иң лаеклыларны, иң намуслыларны һәм Татарстаныбызны чын күңелдән яратучыларны сайларга кирәк.
