11-13нче сентябрь көннәрендә Түбән Новгород шәһәрендә “Дин һәм спорт” II Бөтенроссия форумы узды, аның эшендә физик тәрбия, спорт, эчке сәясәт, яшьләр сәясәте, мәгариф, мәдәният, спорт берләшмәләре һәм федерацияләре, тренерлар, спортчылар, студентлар, галимнәр һәм дин әһелләре катнашты. Биредә катнашучылар арасында шулай ук Татарстан Мөфтиенең халыкара мәсьәләләр буенча киңәшчесе Салих хәзрәт Ибраһимов та бар иде. Ул форумның пленар утырышында һәм сессияләр эшендә чыгыш ясады.
Форумда Салих хәзрәт мөселман мәхәлләләре һәм мөхтәсибәтләрнең Татарстанда спорт чараларын оештыруда хезмәттәшлеге, шулай ук Татарстан мөселманнары Диния нәзарәте проектлары турында сөйләде. Үзенең чыгышында ул мөселман яшьләрен спорт һәм физкультура белән шөгыльләнүгә җәлеп итү, мәхәлләләрдә спорт чараларын оештыру тәҗрибәсе, төрле дини вәкилләрнең спорт чараларында катнашуы кебек мөһим темалар буенча сөйләп узды, шулай ук шәхси үрнәк күрсәтү мәсьәләсенә тукталды.
