Лениногорск мөхтәсибәтендә мөселман яшьләре өчен өстәл теннисы буенча республика турниры үтте. Ярышларда Татарстанның 10нан артык районы, шул исәптән Бөгелмә, Азнакай, Сарман, Лениногорск, Ютазы, Алабуга, Арча, Балтач, Әлмәт һәм Буа районнары вәкилләре катнашты. Барлык катнашучылар да бик яхшы әзерлек күрсәтте, иртәдән кичкә кадәр дәвам иткән ярышлар киеренке булды. Турнир нәтиҗәләре буенча Бөгелмә, Балтач, Алабуга, Азнакай һәм Лениногорск уенчылары иң яхшы командалар булып танылды.
Бүләкләү тантанасында җиңүчеләргә грамоталар һәм иганәчеләр ярдәме белән әзерләнгән кыйммәтле бүләкләр тапшырылды.
Фотосурәтләр: Лениногорск мөхтәсибәтенең матбугат хезмәте.
