Бүген, 19 декабрьдә, Казанда «Корстон» комплексында ТР Рәисе Рөстәм Миңнеханов җитәкчелегендә ТР Муниципаль берәмлекләре советы» ассоциациясенең XIX съезды узды. Анда Татарстан Мөфтие Камил хәзрәт Сәмигуллин, ТР Дәүләт Советы Рәисе Фәрит Мөхәммәтшин, ТР Премьер-министры Алексей Песошин һәм башкалар катнашты.
Республика башлыгы республика муниципалитетларының сугышчыларга һәм аларның гаиләләренә ярдәм итү, махсус хәрби операция ветераннарын тернәкләндерү һәм эшкә урнаштыру, хәрби частьләргә һәм шефлыкка алынган шәһәрләргә гуманитар ярдәм күрсәтү буенча зур эш алып баруын ассызыклап үтте. Һәлак булганнарның гаиләләре белән эшләүнең мөһимлеген әйтте.
ТР Рәисе матбугат хезмәте материаллары буенча
Фотосурәтләр: ТР Рәисе матбугат хезмәте
