Баулыда мәчетләргә килүчеләр өчен җәмәгать транспорты төнлә дә йөри

Быел Баулы мөселманнары рамазан аенда тагын да ныграк активлаштылар. Район үзәгендәге һәр ике мәчеттә көн саен диярлек ифтар мәҗлесләре үткәрелә. “Аллаһы Тәгалә ярдәме белән, мәчетләребезгә килүчеләр өчен махсус җәмәгать транспортын оештырдык. Ифтар һәм тәравих намазлары соң тәмамлануга карамастан, алар йөреп тора. Барлык мәчетләрдә изге айга багышланган һәм динебез кыйммәтләре хакындагы өстәмә вәгазьләр сөйләнә”, - дип хәбәр итә Баулы районы имам-мөхтәсибе Әнвәр хәзрәт Хәмитов.