ТР МДНнең хәйрия бүлеге һәм яшьләр бүлеге хезмәткәрләре Казанда яшәүче сугыш ветераны, икенче төркем инвалид Гөлчирә апага, рамазан белән котлап, күчтәнәчләр тапшырдылар.
Хәйрия бүлеге хезмәткәрләре өлкән яшьтәге апага даими ярдәм күрсәтергә тырышалар, аңар төрле ризыклар алып баралар. Әби үзе дә яшьләр белән бик теләп аралаша. Бу юлы да ул кунакларга үзенең тормыш юлы, эшләре хакында бөртекләп сөйләде. Өлкәннәргә бит кайчак игътибар һәм җылы сүз дә бик зур бүләк.
Өлкән яшьтә булуына карамастан, Гөлчирә апа дин кушканча яшәп, ураза тотарга да тырыша.
