"Мөхәммәдия" мәдрәсәсе Югары Ослан мөхтәсибәте белән берлектә, уку елы тәмамлану уңаеннан, Идел буенда табигать кочагында ял оештырды. Бирегә мәдрәсә мөгаллимнәре, шәкертләре, мөхтәсибәт вәкилләре - барлыгы 200дән артык кеше җыелды.
Шәкертләр төрле спорт уеннарында катнаштылар. Футбол, волейбол уйнадылар. Шулай ук мөхтәсибәт призына ярышлар оештырылды. Чара бергәләп табигать кочагында чәй эчү белән тәмамланды.
Шәкертләр, мөгаллимнәр үзенчәлекле ял оештырган өчен мәдрәсә проректоры Зөлфәт хәзрәт Габдуллинга, бүләкләр өчен район имам-мөхтәсибенә рәхмәтләрен белдерделәр.
