2012 елның 13 декабрендә сәгать 9.30да Коръәннең беренче басма китабы “Казан басмасы” нәшер ителүгә 225 ел тулу уңаеннан түгәрәк өстәл уздырыла. Чараны Үзәкләшкән дини оешма – ТР мөселманнары Диния нәзарәте оештыра.
Түгәрәк өстәл Диния нәзарәте тарафыннан игълан ителгән “Коръән елы”на нәтиҗәләр ясау уңаеннан уздырыла.
Түгәрәк өстәлнең төп юнәлешләре:
- Изге Коръәнне тәфсир итү проблемалары;
- Изге Коръән текстларын өйрәнүдә тикшеренү потенциалы;
- Россиядә һәм Татарстанда Коръән һәм нәшрият эшчәнлеге: тарихы һәм үсеш юллары.
Камил Сәмигуллин, Айдар Хәйретдинов, Наил Гарипов, Ренат Беккин, Фәрит Сәлмән, Рабит Батулланың чыгышлары көтелә.
Чарага галимнәр, дин әһелләре һәм җәмәгать эшлеклеләре чакырылган.
