Татарстан мөфтиенең Өлкәннәр көне белән котлавы

01 октябрь 2014 ел 13:38

Аллаһы Сүбхәнәһү вә Тәгаләгә мактауларыбыз булса иде! Әссәламегаләйкүм вә рахмәтуллаһи вә бәракәтүһү!

Диния нәзарәте һәм шәхсән үз исемемнән өлкән буын вәкилләрен ихластан Өлкәннәр көне белән котлыйм!

Зур тормыш тәҗрибәсе туплаган өлкән буын ул - җәмгыятебезгә тырышлык куеп хезмәт иткән әбиләребез, бабайларыбыз.  Аларга сугыш елларында  һәм сугыштан соң илне сакларга, күтәрергә туры килгән. Бүгенге заманның да төрле авырлыклары олы буынны читләтеп узмый. Өлкәннәрнең тәҗрибәсе, сабырлыгы, ныклыгы яшь буын өчен зур үрнәк.

Зур ихтирамга лаек өлкән буын кешеләре динебезне таратуга, республикабызда бер-бер артлы мәчетләр төзүгә зур өлеш кертеп киләләр. Соңгы берничә дистә еллар дәвамында милләтебезне иманлы итәргә тырышкан олы яшьтәге дин әһелләре йөзләгән шәкертләр тәрбияләделәр. Күпләребез нәкъ менә сабыр зирәк акыллы бабайларның, ак яулыклы әбиләрнең нәсыйхәтләрен, вәгазьләрен тыңлап Аллаһы Тәгалә юлына басты.  

Олы кешеләрне, иң беренче чиратта, олыгаеп барган әти-әниләребезгә, туганнарыбызга, күршеләребезгә, юлыбызда очраган өлкәннәргә ихтирам күрсәтсәк, Аллаһы Тәгалә  дәрәҗәләребезне күтәрер. Без өлкәннәргә карата яхшы мөнәсәбәт белән үзебездән соң килгән буынны тәрбиялибез, аларны тәүфыйклы булырга өйрәтәбез.

Аллаһы Сүбхәнәһү вә Тәгалә Үзенең рәхим-шәфкатеннән ташламаса иде! Өлкәннәргә балалар, оныклар ярдәмен тоеп, җан тынычлыгы табып, кадер-хөрмәттә яшәргә язса иде! Аллаһы Тәгалә сабырлыкларын, түземлекләрен бирсен!

Татарстан мөфтие Камил хәзрәт Сәмигуллин

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана