Бүген Татарстан мөселманнары Диния нәзарәтендә Казыйлар шурасының чираттагы утырышы үтте. Анда Татарстан мөфтие Камил хәзрәт Сәмигуллин да катнашты. Утырышны Татарстаннның Баш казые Җәлил хәзрәт Фазлыев алып барды.
Казыйлар шурасының эшчәнлеген координацияләү мәсьәләләре буенча мөфти Камил хәзрәт Сәмигуллин чыгыш ясады, үзенең теләк-тәкъдимнәрен җиткерде.
Утырышта тәрәвих, җәмәгать, җомга намазларын уку тәртибе каралды. Республика халкын борчыган сорауларга да тукталып үттеләр.
