Татарстан Республикасы мөселманнары Диния нәзарәте һәм шәхсән үз исемемнән Габделкәрим хәзрәт Габдрәшитовның туганнарының, якыннарының, гомумән, Мордва республикасы мөселманнарының тирән кайгысын уртаклашам.
Якыныңны югалту – һәрберебез өчен дә иң авыр сынауларның берсе. Үлем ул котылгысыз һәм һәрберебезгә дә киләчәк. Шулай да дөньяның җилбегәсен тотып барырдай көчле, гайрәтле кешеләрнең кисәктән генә үлеме – олы кайгы ул. Сезнең тирән кайгыгызны һәм зур югалту ачысын бүлешәбез. Әлеге авыр минутларда Аллаһы Тәгалә Сезгә көч һәм сабырлык бирсен иде.
Ихтирам һәм изге догалар белән,
Үзәкләшкән дини оешма –
Татарстан Җөмһүрияте мөселманнары
Диния нәзарәте рәис, Мөфти Илдус хәзрәт Фәйзов
