Куйбышев сусаклагычында булган фаҗигагә бәйле рәвештә Мөфти Илдус хәзрәт Фәйзовнең мөрәҗәгате

Татарстан Җөмһүрияте Мөселманнарының Диния нәзарәте исеменнән, “Булгария” теплоходындагы фаҗига корбаннарының, якыннарының һәм туганнарының тирән кайгысын уртаклашам.

Әлеге тирән кайгы һәм зур югалту ачысын бүлешәбез, Аллаһы Тәгаләдән  туганнарына сабырлык һәм түземлелек бирүен сорап калабыз.

Һәлак булучыларга җан тынычлыгы бирсен, гөнаһларын ярлыкасын, тар каберләрен киң итеп, җәннәт бакчаларын күрергә насыйп итсен!