Беркайчан да соң түгел

18 июнь 2014 ел 10:20

Без яшәгән йортта берәү вафат булды. Аны җиренә җиткереп, соңгы юлга озаттылар. Өчесен дә, җидесен дә, кырыгын да хатыны оештырды, хөрмәтле Фәүзия ханым абыстайны, хатынкызларны чакырып, Коръән укытты.

Берничә көн узуга, Фәүзия ханым безгә атылып килеп керде дә ашыга-ашыга сөйли башлады: – Каенанамны төшемдә күр-дем. Ул миңа әйтә: “Фәүзия, шушы ук подъездда бер дога укучы бар. Шуны табып, Коръән укыт”, – ди. Мин үзебездәге кешеләрдән сораштым, сезнең хакта әйттеләр. Каенанамның исеме – Минҗиһан. Ирем Камилгә һәм каенанам Минҗиһанга дога кылуыгызны сорыйм.

Шул көннән мин Минҗиһанга, Фәүзиянең иренә, аның әтисе Хәлиуллага, Камилнең вафат булган 4 улына да дога кыла башладым.

Көннәрдән беркөнне Фәүзия ханым белән баскычта очраштык. Ул мине кочып алды да елый ук башлады. “Ирем Камилне төшемдә күрдем. Өстендә ап-ак кием. “Фәүзия, минем кара киемнәремне акка алыштырдылар”, – диде ул елмаеп. Менә шулай Камилем белән очраштым бит әле”, – диде Фәүзия.

– Фәүзия, Раббыбыз догаларыбызны кабул итә бит, бу хәлгә бергәләп шатланыйк, – дидем аңа. 

– Үзем дә Коръән укырга, дога кылырга өйрәнәм әле. Иртәгә үк якындагы мәчеткә намаз тәртипләренә төшенү өчен барам, – диде ул ныклы карарга килеп.

Мин чираттагы ялга киттем. Туган якларымнан әйләнеп кайтуга, Фәүзия ханым тагын очрады. “Зөлхияттәй, Коръән, намаз укырга, дога кылырга өйрәнеп киләм инде. Хәзер без Болгарда вафат булган әби-бабаларыбыз, Казанны яклап шәһит киткәннәр, нәселләре киселгәннәр, догага мохтаҗ булганнар, әти-әниләребез ягыннан 70 буын әби-бабаларыбыз рухына да бергәләп дога кылабыз”, – диде Фәүзия ханым зур шатлыгын уртаклашып.

Менә шулай, дусларым! Кем кайчан Раббыбыз күрсәткән юлга чыга бит! Кешеләр дөньяга ни өчен килүләре, кая барулары, мәңгелеккә нәрсә алып китүе хакында да уйланалар. Менә күрәсезме, кардәшләрем, Аллаһы Сөбханә вә Тәгаләнең кушканнарын үтәүгә күчү беркайчан да соң түгел. Болар турында ныгытып уйланыйк, җәмәгать. Раббыбыз зирәк зиһен бирсен барчабызга!

 

Зөлхия ХӘЛИЛОВА, Бөгелмә

Башка журналлар

Ипотекалы кеше зәкят түләми

Бирсәң – савап, бирмәсәң гөнаһы юк. Сәдака бу. Сәдака-бүләкнең мәҗбүрие дә бар. Ансын зәкят диләр...

18 март 2016 ел 10:42

Бәхеттә узган гомер

17 март 2016 ел 17:53

Зәкят түләсәң, тыныч йокларсың...

Билгеле булганча, ислам дине биш баганадан тора – Аллаһны тану һәм аның берлегенә ышану, намаз уку...

17 март 2016 ел 17:48
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана