17 октябрь көнне башкалада Корбан бәйрәме уңаеннан “Мәрхәмәтле Корбан” исемле хәйрия концерты узачак. Концерттан җыелган акчалар сукыр мөселманнарны укыту – тернәкләндерү үзәге булган “Ярдәм” мәчетенә тапшырылачак. Бәйрәм концертында Зөһрә Сәхәбиева, Мингол Гәлиев, Ильяс Хәликов, Булат Нигъмәтуллин, Резеда Төхвәтуллина, Лилия Муллагалиева, “Казан егетләре”, Ильназ Сафиуллин кебек танылган эстрада җырчылары белән беррәттән мөнәҗәт башкаручылар да чыгыш ясаячак.
Концерт Эчке эшләр министрлыгының Мәдәният үзәгендә (К. Маркс урамы, 26 нчы йорт) узачак. Башлану вакыты: 18.00.
