Сорау: Әссәламү галәйкүм! Җомга намазына дип мәчеткә килеп кергәндә, имам әттәхият укый иде. Бу урында имамга кушылган кеше барыбер өйлә намазын укырга тиеш дигән фикерне ишеткәнем бар иде. Шушы сорауны ачыклагыз әле.
Җавап: Үә галәйкүм әссәлам! Хәнәфи мәзһәбендә мөселман, җомга намазы фарызының имам сәлам бирә башлаганчы кайсы өлешенә килеп кушылуына карамастан, аны, ике рәкәгать җомга намазы итеп, үзлегеннән тәмамлый.
Ибн Нәҗәйм (рахимәхуллаһ) “Әл-Әшбәх вән-Нәзаир” китабында болай ди:
لَيْسَ لَنَا مَنْ يَنْوِي خِلَافَ مَا يُؤَدِّي إِلَّا عَلَى قَوْلِ مُحَمَّدٍ فِي الْجُمُعَةِ فَإِنَّهُ إِذَا أَدْرَكَ الْإَمَامَ فِي التَّشَهُّدِ أَوْ فِي سُجُودِ السَّهْوِ وَ نَوَاهَا جُمُعَةً وَ يُصَلِّهَا ظُهْراً عِنْدَهُ. وَ الْمَذْهَبُ أَنَّهُ يُصَلِّيهَا جُمُعَةً فَلَا اسْتِثْنَاءَ.
“Әгәр имам бер намазны укый икән, аңа ияреп икенче намазны уку ярамый. Бу мәсьәләгә карата Имам Мөхәммәдтән кала мәзһәб галимнәре уртак фикердә тора. Имам Мөхәммәд фикеренчә, әгәр кеше җомга намазының тәшәһһүд яисә сәҗдә сәхү өлешенә генә килеп кушыла икән, ул намазны дүрт рәкәгатьле өйлә намазы итеп укып бетерә. Әмма бу фикер буенча фәтва бирелми”.
Безнең мәзһәб буенча, кеше җомга намазының бер өлешенә өлгерми икән, намазын җомга намазы итеп тәмамлый. Искәрмәләрсез”.
