Бөгелмә үзәк мәчетендә имамнар “ДУМ РТ Хаҗ” җитәкчелеге белән очрашты.
Әлеге чарада Бөгелмә шәһәре һәм Бөгелмә районы имам-мөхтәсибе Рамил хәзрәт Хөснетдинов, “ДУМ РТ Хаҗ” генераль директоры Ранис Вахитов, генераль директор урынбасары Илдус Сабитов, шәһәр һәм район имамнары, хаҗилар катнашты.
Ранис хәзрәт җыелучыларга хаҗ кылу тәртипләре турында сөйләде һәм “ДУМ РТ Хаҗ” операторы аша юлламалар алуның өстенлекләре белән таныштырды.
Шулай ук хаҗда булган кешеләр “ДУМ РТ Хаҗ” оешмасының эшчәнлеге турында хис-кичерешләре белән уртаклаштылар. Алар “ДУМ РТ Хаҗ” программасы буенча хаҗны оештыручы белгечләрнең эшләгән эшләрен югары бәяләделәр.
