Ноябрь аенда Буа мөхтәсибәте вәкилләре авылларда эшләүче өлкән яшьтәге имамнар янына барып, аларны юбилейлары белән котлады. Шундыйларның берсе – Янтуган авылында яшәүче, хәзер сиксән яшен тутырган 1937 елгы Иршат хәзрәт Фәрхетдинов. Ул үзе яшь вакытта укытучы булып эшләгән, аннан соң имам вазыйфасын башкарган. Хәзер дә үзенең төпле киңәшләре белән авылдашларына ярдәм итә. Хәзрәткә исәнлек-саулык, иман байлыгы телиләр.
Буа районы Ташкичү авылында яшәүче 1927 елгы Нурулла хәзрәт Гайнуллов та үзенең туксан яшен тутырды. 1992 елдан алып авыл мәчете төзелешендә актив катнаша. 1995 елдан бирле Ташкичү авылында имам вазыйфаларын алып бара, ноябрь аенда мөхтәсибәт вәкилләре килеп, хәзрәтне гомер бәйрәме белән котлап, аңа исәнләк-саулык теләп, рәхмәт сүзләрен җиткерделәр.
