Буа районы мөхтәсибәте вәкилләре атна саен берәр авылга дини вәгазь белән йөрүне дәвам иттерә.
Бүген Буа районы Исәк авылында вәгазь кичәсе узды. Сүзне беренчеләрдән булып “Хаҗилар” мәчете имамы Фәһим хәзрәт Сөләйманов алды. Ул Мәүлид ае керү уңаеннан мөхтәсибәт исеменнән тәбрикләү сүзләрен җиткерде. Хәзрәт исәклеләргә ислам төшенчәсен бәйнә-бәйнә аңлатып вәгазь сөйләде. Фәнис хәзрәт Гайнатуллин мәчетләр каршында укыту белән бәйле мәсьәләләрне аңлатып үтте, авыл халкына дини гыйлемгә омтылырга кирәк икәнлеген искә төшерде. Чара авыл имамы Тәлгат хәзрәт Гималиев авылдашларына биргән киңәшләре белән тәмамланды.
