30 ноябрьдә Әлмәт үзәк мәчетендә имам-мөхтәсиб Фәһим хәзрәт Әхмәтҗанов катнашында шәһәр һәм район имамнарының айлык җыелышы узды. Әлеге чарада Мәүлид ән-Нәби бәйрәмен үткәрү мәсьәләсе каралды.
12 декабрьдә 09:30 сәгатьтә “Нефтьче” мәдәният йортында Әлмәт мөхтәсибәте шәһәр һәм районда яшәүчеләр, кунаклар өчен зур мәдәни-дини чара үткәрергә ниятли. Биредә имамнар, дин, җәмәгать эшлеклеләре, педагоглар, кунаклар катнашачак. Ильяс Халиков җитәкчелегендә “Минбәр” татар дини театры “Болгар җилләре исә...” программасын тәкъдим итәчәк, чараны мөнәҗәтләр һәм нәшидләр, Мәүлид уку бизәячәк.
