Мөхтәсиб Илмир хәзрәт Хәсәнов 10 декабрь көнне Яңа Тинчәле авылы мәчетендә вәгазь мәҗлесендә катнашты. Хәзрәт авыл халкы, мәктәп балалары белән очрашты.
Илмир хәзрәт нәсыйхәтендә дин мәсьәләренә тукталды: исламда гаилә, туганнар, күршеләр хакында аңлатты, дөньяда яшәгәндә ислам динен тормышта кулланып яшәргә кирәклегенә дәлилләр китерде.
Шундый матур мәҗлесне оештыручы мәчет картларына, аеруча мәчет имамы Илдар хәзрәт Шәрифҗановка Буа мөхтәсибәте исеменнән зур рәхмәтен җиткерде.
