Баш бит > Халык хәбәрләре > Чистайда – "Язмыш серләре"

Чистайда – "Язмыш серләре"

17 декабрь 2018 ел 14:38

19 декабрь көнне Чистай мөхтәсибәтендә районкүләм Мәүлид ән-Нәби узачак. “Язмыш серләре” дигән исем астындагы театральләштерелгән чарага тамашачылар чакырыла. Эчтәлегенең төп темасы булып уңышка ирешү юлында кеше алдындагы сынаулар тора. Зурлап үткәрелә торган Мәүлидтә Чистай мөселманнары берләшмәсе активистлары, Аксакаллар шурасы әгъзалары катнаша. Чара барышында шул ук көнне 17.30 сәгатьтә “Хәләл-маркет” башланып китәчәк. Мәүлидкә килүчеләр мөселман киеме, кул эшләнмәләре, хәләл косметика, азык-төлек ярминкәсендә катнаша алачаклар.