1 март көнне “Хәләл” комитеты мөдире Ирек хәзрәт Җиһаншин Буа районына эшлекле сәфәр кылды. Хәзрәт “Госман” мәчетендә җомга намазына кадәр халыкка “хәләл” төшенчәсе турында вәгазь-нәсыйхәтен җиткерде. Комитет алып барган эшчәнлек белән кыскача таныштырды. Соңыннан халык биргән сорауларга җавап бирде. Буа районында халыкка хезмәт итүче “Нур” хәләл кафесы һәм “Бәрәкәт” кибетләре белән якыннан танышты, аларның алга таба “Хәләл” комитеты белән тыгыз элемтәдә булуын теләп калды.
