Өлкәннәр декадасы һәм Укытучылар көне уңаеннан, Чаллыда "Хәят" мөслимәләр җәмгыяте мәктәп ветераннары һәм мөслимә укытучылар өчен бәйрәм кичәсе оештырды. Укытучылар очрашып, бергә хезмәт куйган елларны искә төшерде, яшь буын белән аралашты. Укучылар аларга шигъри тәлгәшләр, открыткалар, чәчәк бәйләмнәре бүләк итте. Мул табында һәр укытучыга бүләкләр тапшырылды.
Укытучылар әлеге бәйрәмнән бик канәгать калдылар.
Белем кеше тормышында зур әһәмияткә ия. Халык бу турыда бик белеп: “Белем – бәхет ачкычы, дәрәҗәнең баскычы”, – дип әйткән. Ә белемле булырга кешене укытучылар өйрәтә. Һәр кешенең иң матур, иң күңелле хатирәләре, әлбәттә, мәктәп еллары белән бәйле. Укытучының тырыш хезмәтеннән башка беркем дә бер һөнәргә дә өйрәнә алмый. Мөхтәрәм остазларыбызга авыр һәм мактаулы эшләрендә зур уңышлар, сәламәтлек юлдаш булсын.
