1нче октябрь көнне Буа шәһәренең Үзәк мәчетендә Өлкәннәр көненә багышланган чаралар узды. Әлеге чарада Буа районы имам-мөхтәсибе Илмир хәзрәт Хәсәнов өлкәннәр турында нәсыйхәтләр җиткерде һәм дога кылды. Мәчет имамы Рәшид хәзрәт Хәмидуллин өлкәннәргә тәбрикләү сүзләрен ирештерде. Илмир хәзрәт Хәсәнов мөхтәсибәт исеменнән озак еллар буе мәчеттә мөгаллимә вазыйфаларын башкарып килгән Әнисә Габделхак кызына рәхмәт хаты тапшырды. Мөслимәләр рәисе Нәзимә ханым Әнисә абыстайга хөрмәт йөзеннән бүләк тапшырды.
