Бүген, сәфәр аеның 24-нче көнендә, Әлки районының "Шәүкәт" мәчетендә имамнарның чираттагы җыелышы узды. Әлеге чарада Татарстан мөфтиенең мөхтәсибәтләр белән эшләү буенча киңәшчесе Равил хәзрәт Зөфәров, Әлки районы башлыгы урынбасары Билалов Рәшит Әбрар улы да катнашты. Имамнарга исем кушу, никах теркәү, мәрхүмнәрне теркәү кенәгәләре тапшырылды.
Равил хәзрәт сүзен имамнарга мөфти Камил хәзрәт Сәмигуллинның сәламен җиткерү белән башлады. Ул үз чыгышында "Гыйбадәт кылулар турында Нигезләмә" турында сөйләп узды. Җыелышта имамнар үзләрен кызыксындырган сорауларга җавап алдылар.
