26 октябрь көнне Буа районында урнашкан шикәр заводы мәчетенә 25 ел тулу тантанасы булып узды. Әлеге чарада Буа муниципаль районы башлыгы Ранис Камартдинов, якташыбыз, республика мөфтиенең беренче урынбасары Рөстәм хәзрәт Вәлиуллин, район мөхтәсибе Илмир хәзрәт Хәсәнов, элеккеге хакимият башлыгы, әлеге мәчетне төзетү башында торган Әбделхәй Хәйруллов, шулай ук мәчетне төзетүдә зур өлеш керткән Миңнулла Кепячев катнашты. Беренче булып мәчетнең 25 еллыгына багышланган элеккеге видео тасмалардан җыеп ясалган видиоролик күрсәтелде.
Район мөхтәсибе Илмир Хәсәнов барлык кунакларны сәламләп, хөрмәт итеп килүче халыкка үзенең рәхмәтләрен җиткерде, 25 еллык тарихка тукталды. Мәчет төзелешенә өлеш керткән һәркем үз хатирәләре белән уртаклашты, юбилейларның дәвамлы булуын теләде.
Моннан чирек гасыр элек Буа шәһәренең мөселманнары активы тырышлыгы белән Шикәр заводы бистәсендә яңа мәчет үз ишеклэрен ача. Аны төзү район житәкчелеге, район халкы, оешма-предприятиеләр коллективлары, район мохтәсибәте, республика, Госман мәчете ул елларда районда гына түгел, хәтта республикада беренче махсус проект белән төзелгән бина була. 25 ел дәвамында ул район халкына хезмәт итеп, ислам динен таратуда, халыкны берләштерүдә, дин нигезләрен өйрәтүдә хезмәт итә.
