Сәләмәт яшәү рәвешен пропагандалау һәм халыкны спортка җәлеп итү ниятеннән, 9-нчы февраль көнне Кайбыч районы мөхтәсибәтендә якшәмбе мәктәпләрендә укып йөрүче шәкертләр өчен чаңгы ярышлары оештырылды. Әлеге чарада Кайбыч мөхтәсибәтенең 6 мәхәлләсеннән 18 бала катнашты. Ярышта катнашучы балалар ике төркемгә бүленделәр: 5-6 һәм 7-8 класста укучы балалар.
5-6 класс балалары төркемендә егетләрдән беренче урынны Олы Кайбыч авылы мәхәлләсеннән Гарифуллин Ризван алды. Икенче урынны Иске Чәчкаб авылы мәхәлләсеннән Ибрагимов Илсаф, өченче урынны Түбән Кошман авылы мәхәлләсеннән Ахмадуллин Нияз яулады. Кызлар арасыннан беренче урынны Олы Урсак авылыннан Нурия Лилия алды. Икенче урынны Олы Кайбыч авылынан Гыйниятуллина Хәбибә, өченче урынны Колангы авылы «Минбәян» мәхәлләсеннән Сибгатова Әдилә яулады.
7-8 класс балалар төркемендә егетләрдән беренче урынны Олы Урсак авылы мәхәлләсеннән Хәялиев Рүзәл алды. Икенче урынны Чүти авылы мәхәлләсеннән Шарафутдинов Фәнил, өченче урынны Олы Кайбыч авылы мәхәлләсеннән Хафизов Илназ яулады. Кызлар арасыннан беренче урынны Олы Кайбыч авылы мәхәлләсеннән Гобәева Альбина алды. Икенче урынны Түбән Кошман авылы мәхәлләсеннән Миңнулина Исламия, өченче урынны Түбән Кошман авылы мәхәлләсеннән Шәрәфетдинова Камилә яулады.
