15 апрель көнне Буа шәһәренең “Әбү Хәнифә” мәчетендә хатын-кызлар өчен ифтар ашы булып узды. Анда Буа районы абыстайлары, мәчетләр каршында укыткан мөгаллимәләр җыелды.
Ахшам намазына хәтле Буа районы имам-мөхтәсибе Илмир хәзрәт Хәсәнов хөрмәтле абыстайларыбызга нәсыйхәтләрен җиткерде, авылларда имамнар белән бергәлектә эш итәргә боерды.
Көн тәртибендә Буа мөхтәсибәте хатын-кызлар рәисе – Гөлира Фаиковнаның вафат булуы сәбәпле, яңа рәис сайлап кую мәсьәләсе иде. Әлеге вазыйфага бер тавыштан Назимә ханым Сөләйманова сайланып куелды. Ахшам намазын укыганнан соң әзерләнгән мул табын артында ифтар кылынды.
Назимә ханыбызга алып барачак эшендә уңышлар телибез.
