Бу көннәрдә Югары Ослан районының Кызыл байрак авылы имамы Тимур хәзрәт Ибраһимов Казан шәһәренең 67нче номерлы мәктәбендә үткәрелгән чараларда катнашты. Бу чаралар әлеге мәктәпнең кадетлар корпусында укучы балаларга “Хәрби хезмәттә дуслык, ярдәмчеллек” дип аталган чыгышларга багышланган иде. Тимур хәзрәт – әфган сугышы ветераны, хәрби очучы. Ул булачак офицерларны Ватан алдындагы бурычлар, хәрби хезмәт тәртипләре һәм әфган сугышы вакыйгалары белән азрак таныштырып узды. Әлеге чараларны оештыручылар хәзрәткә зур рәхмәтләрен җиткерделәр.
