31нче август көнне Буа мәдрәсәсендә авыл һәм район имамнары җыелышы булып узды. Җыелышны Буа районы имам-мөхтәсибе Илмир хәзрәт Хәсәнов ачып җибәрде.
Илмир хәзрәт авыл имамнарына эшләрендә уңышлар теләде. Мөхтәсиб имамнарга мөһим булган сорауларны җиткерде: мәчетләрне теркәү, мәчет каршында укулар оештыру, кичке дини вәгазьләр, авылларда гошер җыюга басым ясады. Наратбаш авылы имамы Рөстәм хәзрәт Баһаветдинов мәчетләр каршындагы уку-укыту эшләре буенча тәкъдимнәрен җиткерде. Аксакаллар рәисе Кадим хәзрәт гошер сәдакалары буенча үзенең чыгышын ясады.
Җыелыш Бикмураз авылы мәчете имам-хатыйбы Илдус хәзрәт тарафыннан дога кылу белән тәмамланды.
