Бүген Татарстан мөфтие Камил хәзрәт Сәмигуллин Татарстан Прокуроры Илдус Нәфыйков белән 7 февральдә югалган Петровский бистәсе имам-хатыйбы Сөләйман хәзрәт Зариповны эзләү эшләренә бәйле хәлләр турында сөйләшү өчен очрашты.
Камил хәзрәт әлеге вакыйга уңаеннан борчылуын белдерде һәм ТР МДН тарафыннан югалган имамның гаиләсенә ярдәм итү йөзеннән оештырылган чаралар хакында сөйләде.
Прокурор Илдус Нәфыйков, үз чиратында, җинаят эше буенча алып барылган тикшеренүләр һәм беренче нәтиҗәләр турында җиткерде. Прокурор Камил хәзрәтне барлык кирәкле чаралар күрелүен һәм хәзер тикшерү-эзләү эшләре дәвам итүе хакында ышандырды.
