Бүген ТР МДН рәисе, мөфти Камил хәзрәт Сәмигуллинның эшлекле сәфәр белән Мәскәүдә.
Татарстан мөфтие үзенең сәфәрен Мәскәү шәһәре, Үзәк төбәк һәм Чуашстан мөфтие Әлбир хәзрәт Крганов белән очрашудан башлады. Мөфтиләр ике дини оешма арасында хезмәттәшлек итү һәм шулай ук Изге Коръән китабының хәзерге татар телендә тәфсирен булдыру хакында сөйләште. Билгеле булганача, бу атнада мөфти Камил хәзрәт бу мәсьәләгә кагылышлы зур киңәшмә үткәрде һәм җиңел аңлашыла торган,дөрес итеп тәрҗемә ителгән, тәфсир кылынган нөсхә әзерләү бурычын куйды.
Бүген Камил хәзрәт Россия башкаласы мөселманнарына җомга вәгазе белән дә мөрәҗәгать итте. Биредә хәзрәт мөселман өммәтенең оешкан төстә яшәве һәм җәмгыяттә әхлакый нормаларны саклау әһәмияте турында сөйләде.
Иртәгә Камил хәзрәт Сәмигуллин Россия Диния нәзарәте рәисе Равил хәзрәт Гайнетдин белән очрашыр дип көтелә. Көн кадагында Болгар ислам академиясен оештыру мәсьәләләре булачак.
