23 июльдә Түбән Новгород өлкәсенең Сафаҗәй авылында “Шәкертләр бәйрәме” булды. Икенче ел рәттән әлеге чарада Буа мөхтәсибәте командасы катнашта. Быел да шәкертләр дини сорауларга җавап бирде, вәгазьләр тыңлады, төрле темага караган күренешләр карады һәм милли көрәштә көч сынашты.
Нәтиҗәдә буалылар "Хөтбә уку" һәм "Тематик күренеш" номинацияләрендә җиңү яулады.
Буа мөхтәсибәте вәкилләре конкурсны оештыручы абыйлы-энеле хәзрәтләр Илдар һәм Ринат Аляутдиновларга һәм аларның ярдәмчеләренә зур рәхмәт җиткерде.
Шәкерләргә килгәндә, алар бәйрәмнән үзләренә рухи яктан зур көч алып кайттылар.
