Татарстан мөфтие Камил хәзрәт Сәмигуллинның «Ислам в 75 уроках» дип аталган китабы дөнья күрде. Мөфтинең әлеге китабы исламны яңа кабул иткән яки дин белән әле генә кызыксына башлаучылар өчен махсус бер белешмәлек буларак төзелгән.
“Мөхәммәдия” мәдрәсәсе директоры бу китапта исламны үз методикасында өйрәнергә тәкъдим итә. Китап буенча көнгә 30 минут шөгыльләнгәндә ике ай ярымда 75 дәресне үтәргә мөмкин.
Китап шәригать кануннары, Аллаһы Тәгалә тыйганнар, кушканнар, ислам этикасы, әхлагы белән таныштыра.
Китап киң катлам укучылар өчен аңлаешлы җиңел тел белән язылган.
