Балалар - безнең киләчәгебез. Без телибезме-теләмибезме, яратабызмы - яратмыйбызмы, яшьләрнең кулыннан бер эш килми, дип зарланабызмы-зарланмыйбызмы - дөнья барыбер шул яшьләргә калачак. Чөнки берәү дә мәнгелек түгел. Берәүләр китеп бара, икенчеләр килеп тора. Әмма килгән һәрбер яңа буын үткән буынга караганда яхшырак булырга тиеш. Әдәп ягыннан да, гыйлем ягыннан да, сәламатлек ягыннан да. Әти - Әниләр, җәмгыять менә шушыны кайгыртырга тиеш.
Балага дини гыйлем бирү дә зарури. Бу бурыч - әти-әни өстендә. Балага дини гыйлем бирелмәсә, ата-ана вазифасы үтәлмәгән була. Бала фарызның - фарыз, хәрамның - хәрам икәнен белергә тиеш.
Менә шуларны күздә тотып, Актаныш районы мөхтәсибәте тарафыннан б районыбызда балалар өчен дини лагерь оештырылды. Аларга әхлак, дини гыйлем буенча сабаклар бирелде.
