Бүген Татарстан мөфтие Камил хәзрәт Сәмигуллин Түбән Кама имам-мөхтәсибе Йосыф хәзрәт Дәүләтшин белән эшлекле очрашу уздырды.
Мөфтияттә уткән очрашуда имам-мөхтәсиб Түбән Кама районы һәм шәһәрендәге дини вәзгыять белән таыныштырды. Шулай ук мәхәлләләрдә алып барылган эшләр хакында сөйләде. Яңа төзелгән “Нур” мәчетен ачуга әзерлек барышы хакында җиткерде.
Хәзерге вакытта яңа мәчетнең эшке эшләре тәмамланган, биредә инде намаз да укый башлаганнар. Тышкы яктан берникадәр эшләр калган.
Мөхтәсиб сүзләренә караганда, әлеге мәчет төзелешендә җирлектәге мөселманнарның тәкъдимнәре, фикерләре исәпкә алынган.
Намаз бүлмәсендә берьюлы 500 мөселман намаз укый алачак. Ир-атларга һәм хатын-кызларга мәчеткә керү аерым эшләнгән.
Мәчет 2008 елда төзелә башлаган иде. Хәзерге вакытта төзелеш өчен 80 млн сумнан артык акча тотылган.
Яңа мәчетне Корбан бәйрәменә ачарга җыеналар.
