ТР МДН рамазан аенда “Ак кәгазьгә – яңа сулыш!” акциясен уздырган иде. Бу чарадан соң шәһәр халкыннан күп шалтыратулар кабул ителде, шул сәбәпле, әлеге акция кабат уздырылды. Хәзер ул шәһәр генә түгел республика күләмендә оештырылды. Мөхтәсибәтләр дә бик теләп кушылдылар.
Иң зур активлыкны Азнакай, Бөгелмә, Буа, Зәй, Кайбыч, Казан (Вахитов районы), Лениногорск, Менделеевск, Чистай, Чаллы мөхтәсибәтләре күрсәтте.
Шунысы гаҗәпләндерде, ташлыйсы дип китергән кәгазьләр арасында борынгы китаплар, хәтта Коръән бар иде. Әлеге рухи мирасны оештыручылар, әлбәттә, тапшырмадылар.
Макулатура җыюдан кергән акча хәйрия эшләренә тотылачак.
