Бүген Татарстан мөфтие Камил хәзрәт Сәмигуллин 25-27 август көннәрендә Грозный шәһәрендә узачак халыкара ислам конференциясе уңаеннан ГТРК “Вайнах”ка интервью бирде. Мөфти хәзрәтләре конференциянең әһәмияте, Чечня Республикасында ислам кыйммәтләрен таратуда һәм ныгытуда көч куйган аерым шәхесләр турында сөйләде, шулай ук мөселман өммәте каршында торган проблемаларны һәм аларны хәл итү юлларын барлады.
Мәгълүм булганча, әлеге конференция беренче тапкыр гына оештырылмый. Ел саен бирегә дөньяның төрле почмакларыннан дин галимнәре җыела һәм аерым бер тема буенча фикер алыша. Быел исә дин әһелләре ислам һәм сөннәт, сөннәт кешеләре һәм башка сораулар хакында сөйләшәчәк.
