Казанда “Мәдәниятләр мозаикасы” дип аталган икенче республика этноконфессиональ фестиваль үткәрелә. Республика көненә багышланган әлеге чара Татарстандагы милләтләрнең, диннәрнең төрлелеге белән таныштыра.
Бүген Татарстан мөфтие беренче урынбасары Рөстәм хәзрәт Батыр әлеге чараны оештыру җыелышында катнашты.
Фестиваль 30 августта булыр дип көтелә.
Бу чараны Татарстанның Мәдәният министрлыгы, Казанның Башкарма комитеты, Татарстан халыклары ассамблеясы, Рус православ чиркәвенең Татарстан митрополиясе, Татарстан мөселманнарының диния назәрәте, Казандагы яһүдләр дини оешмасы, Казан шәһәренең Рим-католик чиркәве оештыра.
