Чистайның мөселман яшьләре берлеге активистлары һәм Чистай мөслимәләре берлеге вәкилләре балалар йортында тәрбияләнүчеләр белән очрашты. Ошбу чара “Березка” лагере базасында үтте.
Мөселман яшьләре балалар өчен хәрәкәтле уеннар оештырды, дини-әхлакый эчтәлекле вәгазьләр сөйләде, балаларның төрле сорауларына җавап бирде. Соңыннан тәмле пылау белән сыйлады һәм бүләкләр тапшырды.
