Кайбыч районы мөхтәсибәтендә чираттагы имамнар җыелышы булды. Әлеге җыелыш Корбан гәетенә әзерлек чаралары белән бәйле иде. Татарстан Диния нәзарәте күрсәтмәсе буенча бәйрәм намазы кояш чыгып 30 минут үткәч укыла. Җирле вакыт буенча бу 5 сәгать 45 минутка туры килә. Кайбыч халкын мәчетләргә иртәнге 5 сәгать 30 минутка чакыралар.
Җыелыш барышында гошер сәдәкасыннан елдагыча бәрәңге җыю эшләрен башларга киңәштеләр.
