12 сентябрьдә Казанда җәмәгать транспорты иртәнге сәгать 4тә үк йөри башлый. Бу көнне шәһәр транспортының хезмәт күрсәтүе ял көне графигы буенча оештырыла.
Иртәнге сәгать 4тә шәһәрнең 1, 2, 5, 6, 10, 10а, 15, 23, 29, 30, 31, 35, 35а, 37, 47, 53, 54, 56, 63, 68, 74, 74а, 75, 91 нче маршрут буенча хезмәт күрсәтүче автобуслары рейста булачак. Шул ук сәгатьтә 1, 2 һәм 12 нче номерлы троллейбуслар да йөри башлый.
Исегезгә төшерәбез: быел Корбан бәйрәме 12 сентябрьгә туры килә. Корбан бәйрәме – Татарстанда эшләми торган бәйрәм көне. Өч көн рәттән – 10,11 һәм 12 сентябрьдә ял итәчәкбез.
