Бүген Корбан гаетенең икенче көне. “Зәкят”хәйрия фонды мохтаҗларга корбан итен таратуны дәвам итә. Диния нәзарәте “Зәкят”кә 2 мең корбан сарыгы биргән иде. 2 мең тонна итне фондка мөрәҗәгать иткән мохтаҗларга өләштеләр. Картлар, инвалидлар, аз керемле һәм күпбалалы гаиләләр, йортсыз-җирсез калучылар 10ар кг корбан ите алды.
Монардан тыш, социаль оешмаларны да игътибарсыз калдырмадылар. Аерым алганда, корбан ите “Гаврош” балалар һәм яшүсмерләр приютына, Казан балалар хосписына, ДЦП белән авыручы балалар өчен эшләүче 4 нче номерлы интернат мәктәпкә, Дәрвишләр бистәсендә урнашкан авыру балалар тәрбияләнүче йортка бирелде.
