Бөгелмә имам-мөхтәсибе Рамил хәзрәт Хөснетдинов райондагы 3нче тикшерү изоляторында булды. Биредә дин әһеле тәрбия эшләр инспекторы Эльмира Дементьева һәм майор Сергей Анисимов белән очрашты. Ике як киләчәктә хезмәттәшлек итү юлларын барлады һәм иректән мөхрүм ителгәннәр белән рухи-әхлакый юнәлештә эшчәнлек алып барырга килеште. Мөхтәсиб Рамил хәзрәт фикеренчә, бу эшчәнлек төрмәләрне кирәкле дини әдәбият белән тәээмин итү һәм хөкем ителүчеләрнең психик хәләтен кайгырту юнәлешендә алып барылырга тиеш. Әлеге визит кысаларында Рамил хәзрәт тикшерү изоляторларындагыларга корбан ите калдырды.
