Бүген Диния нәзарәтендә мөфти Камил хәзрәт Сәмигуллиның Индонезиянең Голәмәләр шурасы башлыгы, Халыкара ислам лигасы каршындагы консультатив шура әгъзасы Мөхеддин Джунейди һәм Мароккодагы Габделмәлик Әс-Сәгъди университетыныж теология факультеты профессоры Габдулла Суфьяни белән очрашуы үтте.
Кунаклар Татарстан мөфтие белән хезмәттәлек итү хакында сөйләште, үзләренең эшчәнлекләре һәм тормышка ашырылып килгән проектлары турында бәян итте.Камил хәзрәт үз чиратында Татарстанда мөселман өммәте белән эшләү турында сөйләде.
Очрашу ахырында кунаклар бүләкләр биреште.
Мәгълүм булганча, галимнәр Казанга “Коръәннең хәрби аятьләрен заманча тәфсир кылу” дигән II Халыкара ислам конференциядә катнашу өчен килде. Иртәгә кунаклар "Хәләл" стандарты комитеты эшчәнлеге белән дә танышырга планлаштыра.
