Бүген “Россиядә вакыф: бүгенге заман һәм перспективалар” дип аталган халыкара фәнни-гамәли конференциядә катнашкан чит ил мөхтәрәм дин әһелләре Татарстан мөселманнары Диния нәзарәтендә булдылар. Биредә алар Татарстан мөфтие Камил хәзрәт Сәмигуллин белән шәхсән очрашып мөселман өммәтендәге вәзгыять хакында фикер алыштылар.
Мөфти Күвәйт вакфы генераль секретариаты вәкиле Җәррах Әл-Зәеткә, Ислам үсеш банкы вәкиле Абдуллаһ әл-Фак Әл-Макка, Босния һәм Герцоговина Вакыф фонды директоры Зажимович Сенаджидга конференциядә катнашулары өчен рәхмәт белдерде. Шулай ук мөхтәрәм кунакларны Татарстанда алып барылган дини эшләр белән таныштырды.
Мәгълүм булганча, 5-6 октябрьдә Казанда вакыф системасына багышланган халыкара конференция уза.
