Баш бит > Яңалыклар > "Хаҗилар" мәчетендә өлкәннәрне хөрмәтләделәр

"Хаҗилар" мәчетендә өлкәннәрне хөрмәтләделәр

12 октябрь 2016 ел 10:06

Өлкәннәр декадасы кысаларында Буа мөхтәсибәте белән берлектә “Хаҗилар” мәчетендә Буа районы һәм авыллары өлкән буын кешеләрен корбан ашына җыйдылар. Җыелышта районның имам-мөхтәсибе Илмир хәзрәт Хәсәнов һәм мәчет имамы Фәһим хәзрәт Сөләйманов катнашты. Мөхтәсиб тәбрик сүзләрен ирештерде, яңа һиҗри ел белән котлады һәм ислам динендә өлкән кешенең никадәр дәрәҗәле урын алып торганын аңлатты. Фәһим хәзрәт килгән кунакларга мәхәллә исеменнән рәхмәтен җиткерде һәм өлкән буынга үзенең киңәшләрен бирде. Чара Коръән аятләре укып тәмамланды.