Бүген Татарстан мөфтие урынбасары Рөстәм хәзрәт Хәйруллин Гадәттән тыш хәлләр министрлыгы каршындагы Иҗтимагый палата утырышында катнашты. Җыелыш министр Рафис Хабибуллин җитәкчелегендә барды.
Нигездә сүз “Татарстан Республикасы суларында батып үлүләр хакында, бату очракларыннан саклану, халыкны гадәттән тыш хәлләрне кисәтү чаралары хакында барды.
Мөфти урынбасары Рөстәм хәзрәт үзенең чыгышында: “Пәйгамбәребез хәдисләрендә һәр мөселман суда йөзергә, атта йөрергә өйрәнергә тиешлеге хакында әйтелгән. Икенче сыйныфтан ук балаларга суда йөзәргә өйрәтү дәресләре кертергә телиләр. Бу бик кирәкле-файдалы ният дип уйлыйм. Балаларыбыз бәләкәйдән үк Пәйгамбәребез өйрәткәннәрне белеп, куркынычсызлык кагыйдәләрен аңлап үссеннәр. Төрле кирәкмәс гамәлләр кылудан үзебезне сакласак иде”, -диде.
