6 ноябрь көнне Чаллы шәһәре "Ак мәчет" мәдрәсәсендә "Көзнең мең төрле бизәкләре" дип аталган бик тә мәртәбәле бәйгегә нәтиҗә ясалды. Төрле яшь төркемендәге катнашучылар рәсем ясауда ярыштылар.
Килгән кунакларны сәламләп, имам-хатыйб, "Ак мәчет" мәдрәсәсе директоры Рәстәм хәзрәт Шәйхевәлиев чыгыш ясады. Конкурс шартлары буенча буяу кулланып ясалган рәсемнәр генә кабул ителде.
Чарада барлыгы 80 бала катнашты. Һәрберсе файдалы һәм тәмле бүләкләр белән бүләкләнде.
